Bir Rəqəmsal Marketinq mütəxəssisi olaraq iş prosesi ərzində yüzlərlə fərqli alət və platformadan istifadə edirəm. Onların arasında daima aktiv olaraq istifadə etdiyim və olmazsa olmaz dediyim platformalardan biri də Cloudflare-dir.

Cloudflare veb saytlar üçün istifadə edilən ən məşhur CDN (Content Delivery Network – Məzmun çatdırılma şəbəkəsi) və təhlükəsizlik sistemidir.

Saytınızı bir çox ddos hücumundan və bot trafiklərindən qorumağa yarıyam, ödənişsiz SSL sertifikatı əldə edə biləcəyiniz və keşləmə (cache) xüsusiyyətindən faydalana biləcəyəniniz Cloudflaredə əlavə olaraq bir çox mükəmməl xüsusiyyət də mövcuddur. Bu xüsusiyyətlərə keçməzdən əvvəl Cloudflare necə qurulur buna baxaq.

Saytınızı Cloudflare-yə qoşmaq üçün ilk əvvəl buradan Cloudflare-nin rəsmi saytına daxil olaraq qeydiyyatdan keçməlisiniz.

Sign up > Create Acount > Add your site > Confirm Plan > Change Nameserver > Status Activite
cloudflare qeydiyyat

Mail və şifrə təyin edərək qeydiyyatdan keçirik və daha sonra mail adresimizə gələn linkdən hesabımızı təsdiq edirik. Daha sonra Cloudflare hesabına daxil oluruq və ilk domenimizi əlavə edə bilərik. Qarşımıza çıxan ekranda domen adımızı daxil edirik.

reqemsal marketinq

Domenimizi əlavə etdikdən sonra qarşımıza çıxan seçimlərdən ya ödənişli versiyalardan birini, ya da pulsuz versiyanı seçə bilərik. Burda planımızı seçdikdən sonra Confirm plan-a daxil olaraq planımızı təsdiqləyirik.

cloudflare planlar

Planımızı seçdikdən sonra əsas vacib mərhələyə keçid edirik, nameserver ünvanlarımızı dəyişdirməliyik. Cloudflare-nin bizim saytımız üçün təklif etdiyi nameserver ünvanlarını domenimizi aldığımız saytdan mövcud olan nameserver ünvanları ilə dəyişdiririk.

.AZ domeni əlavə etmək barədə kiçik bir qeyd

Əgər .az domenli saytınızı yeni açmısınızsa və domeni alar-almaz Cloudflare-yə qoşmağa çalışırsınızsa bunu edə bilməyəcəksiniz. Bənzərsiz .az domenimiz təəssüf ki əvvəlcə standart nameserverli shared hostingə qoşulmadan Cloudflare tərəfindən aktiv olaraq görünmür. Belə bir domenin mövcud olduğunu Cloudflaredə təsdiqləmək üçün əvvəlcə fərqli bir nameserverlərdə aktiv bir saytınız olmalıdır.

Bütün mərhələləri keçdikdən sonra DNS ünvanımızın dəyişməsi 24 saatı çəkə bilir. (Qeyd edim ki, Xarici  domenlərdə adətən 15-20 dəqiqə çəkən bu proses, .az domen zonasında adətən 5-6 saat çəkirdi. Təəssüf ki, son hadisələrdən sonra artıq 1 həftədir ki, dəyişdirdiyim DNS-lərin hələ də möhkəmlənməməsi faktını da bildirmək məcburiyyətində hiss edirəm özümü. Lakin yuxarıda da qeyd etdiyim kimi bu proses adətən 24 saata qədər çəkir.)

Tənzimləmələr və xüsusiyyətlər

cloudflare funksiyalar

Overview: Saytımız haqqında bir baxışda görə biləcəyimiz bütün məlumatları buradan əldə edə bilərik. Overview saytımıza daxil olan ziyarətçiləri keşləyən səhifə ölçüsünü, hesabın vəziyyətini və bir çox məlumatı öyrənə biləcəyimiz bölmədir.

Analytics: Saytımıza daxil olan ziyarətçiləri, ziyarətçilərin hansı bölgələrdən gəldiklərini, saytımıza edilən hücumları, keşləmə məlumatlarını, performansı, dns sorğuları görə bilər və analiz edə bilərik.

DNS: Domain Name Server tənzimləmələrini görə bildiyimiz və tənzimlədiyimiz bölmədir. Həmçinin bu bölmədən Cloudflarenin aktiv olmaq istədiyimiz sahələri seçə bilirik.

SSL / TLS : Buradan ssl sertifikatlarımızı görə və idarə edə bilərik.

Firewall: Təhlükəsizlik tənzimləmələrinin olduğu və idarə edildiyi bölmədir. Buradan istədiyimiz ip ünvanlarını bloklaya bilər və icazələri təyin edə bilərik.

Access: Sizin istifadə etdiyiniz provayderi təsdiqləyərək daxili məzmunlarınızı və tətbiqlərinizi qoruyur.

Speed: Saytımızın performansı ilə bağlı tənzimləmələri buradan idarə edə bilirik. Burada html, css, javascript kodlarımızı sıxışdıra bilər, səhifələrin yüklənmə sürətini artıra bilərik.

Caching: Keşləmə tənzimləmələrinin optimizasiya edildiyi və tənzimləndiyi bölmədir. Buradan saytımızın keşləmə arallığını təyin edə və səviyyəsini müəyyənləşdirə bilərik.

Workers: Cloudflarenin datacenterlərini istifadə edərək Js Service Workers tətbiqini işlədə bilər və saytınızın performansını artıra bilərsiniz.

Page Rules: Səhifə Qaydaları, hansı Cloudflare tənzimləməsinin hansı URL-də aktiv olacağını idarə etməyimizə şərait yaradır.

Network: Şəbəkə tənzimləmələrinin idarə edildiyi bölmədir.

Traffic: Sayt traffikinə idarə nəzarət etdiyimiz və idarə etdiyimiz bölmədir.

Stream: Saytınıza əlavə edəcəyiniz videoları buradan yükləyə bilər və avtomatik işləməsinə şərait yarada bilərik.

Custom Pages: Səhifələrə icazələri tənzimləyə biləcəyimiz və səhifələrdəki xətaları idarə etdiyimiz bölmədir.

Apps: Buradan Cloudflarenin təklif etdiyi minlərlə tətbiqləri istifadə edə və satın ala bilərik..

Scrape Shield: Saytdakı məzmunları və şəkilləri buradan qoruya bilərsiniz.

Saytı silmək və ya dəyişdirmək

Cloudflare-yə əlavə etdiyimiz saytı bəzi hallarda silmək istəyə bilərik. Belə olduqda aşağıdakı ardıcıllığı izləməliyik.

Overview > Advanced actions > Remove Site Cloudflare

WordPress Qoşmaları ilə İstifadə etmək üçün

Açmış olduğumuz hesabımızı wordpress keş qoşmaları ilə istifadə etmək də mümkündür. Bunun üçün ehtiyacımız olan şey hesabımızdakı API açarını əldə etmək və qoşmadakı CDN bölməsinə əlavə etməkdir. API açarını əldə etmək üçün isə aşağıdakı yolu izləməliyik.

Overview > Api > Get your api key > Api keys > Global Api Keys
api key cloudflare

Subdomen əlavə etmək

Domenimizlə ilə birlikdə əgər istifadə etmək istədiyimiz subdomenlərimiz də varsa bunları da Cloudflare vasitəsilə əlavə etməliyik.

Type bölməsinə CNAME və ya A olaraq seçə bilərik. CNAME üçün domen adımızı A üçün isə ip ünvanımızı daxil etməliyik. Name bölməsinə subdomen ünvanımızın başlığını yazırıq. Məs: blog.reqemsalmarketinq.az olacaqsa blog yazmalıyıq. Daha sonra domen adı (ip ünvanı) bölməsinə domen adımızı (ip ünvanımızı) yazırıq. TTL bölməsi avtomatik olaraq qala bilər. Aktivləşdirmək üçün bulud ikonuna klikləməyimiz kifayətdir.

dns cloudflare deyishmek

Bu blogda Cloudflarenin nə olduğunu və necə quraşdırıldığından danışdım. Növbəti yazılarda Cloudflare ilə bağlı əlavə məlumatları da sizinlə paylaşmağa çalışacam ki, iş prosesində çətinlik çəkməyəsiniz.

Write a comment